Alfa Romeo го освежи Tonale

Пред само три години пристигна кај нас Alfa Romeo Tonale, првиот мал кросовер на Alfa Romeo во кој брендот имаше многу доверба за да донесе некаков добар резултат. Токму тоа и се случи, а сега дојде време и за мало освежување. Ајде да видиме.

Суптилен фејслифт за Alfa Romeo Tonale

Alfa Romeo

Пред пар дена, Alfa Romeo го претстави освеженото Tonale. Навидум нема некои големи промени, но одблиску се приметуваат повеќе. Од напред, најзабележливата промена е новата триаголник маска, која влече инспирација од онаа на Giulia. Фаровите остануваат генерално исти, а истото важи и за задниот дел и за страничниот профил. 

Најголемата промена, која верувам дека сите одма ја забележавте, се новите фелни, со три дупки наместо досегашните пет. Од Alfa тврдат дека се полесни, но според мене, малку се downgrade.

Alfa Romeo

Ентериерот не трпи некои огромни промени, најприметливата е дека класичната рачка за автоматски менувач е заменета со тркалце. Дали ова беше потребно? Според мене не. Дали е во тек со тоа што е модерно денес? Да.

Tonale сега ќе се нуди и во осоновна изведба наречена едноставно Tonale, со текстилни седишта и помала димензија на фелни, со цел почетната цена да биде малку попримамлива и поконкурентна во класата. Верзиите со повисока опрема сега ќе се нудат и со црвени кожни седишта, а има и неколку нови безбедносни системи и општи подобрувања во технологијата.

Alfa Romeo

Има и многу новости околу погонските системи. Понудата почнува со Tonale Ibrida, кој е лајт хибрид со 1.5 турбо бензинец и 170 коњски сили, а тоа оди до предните тркала преку 7-степен DCT автоматик.

Alfa Romeo

Освен тоа, плаг-ин хибридните верзии се малку сменети, сега се достапни со 190 или 270 коњи, и стандарден погон на сите четири тркала. Овие верзии се познати како Tonale Q4 Ibrida Plug-In. За крај, изненадувачки, и понатаму има дизел, конкретно 1.6 дизел со 130 коњи, преден погон, и 6-степен DCT.

Alfa Romeo

Ако мене ме прашувате, супер е што Tonale ќе добие фејслифт, и се надевам дека ова ќе го направи малку поконкурентен во овој многу жежок сегмент. Засега нема информации околу тоа кога би пристигнал кај нас.