Geely влегува во TCR шампионатот со помош на Cyan Racing

Сте слушнале за Cyan Racing? Тоа е одделот на Geely Group задолжен за мотоспорт и тркачки автомобили, и исто тимот позади фантастичната реставрација на Volvo P1800. До пред некое време, Cyan Racing се натпреваруваше во TCR Touring Car шампионатот со Lynk & Co 03, но од идната година ќе имаат ново возило. Ајде да видиме.

Geely Preface е новиот тркач на Cyan Racing

Geely / Cyan Racing

Lynk & Co 03 TCR кој беше конструиран од Cyan Racing ќе се пензионира до крајот на годинава, а на негово место ќе дојде TCR верзија на седанот Geely Preface. Веќе имаме и една фотографија од возилото, и јасно е дека се работи за сериозен тркач. Centerlock тркала, проширени крила, голем спојлер позади, сите нишани.

GoCars / YouTube

Како потсетување, регулативите на TCR класата бара тркачот да биде базиран на сериски модел, а дозволен е капацитет на мотор од 1.75 до 2.0. Максималната моќност е 355 коњи и 420 Nm вртежен момент, и генерално се препорачува користење на стандардните компоненти, со по некои отстапувања за засилени компоненти кои можат да го поднесат стресот на возење десетици кругови на патека. 

NaBUru38 - CC BY 4.0 / Wikimedia Commons

Засега нема дополнителни информации за што се има одлучено Cyan Racing за тркачкиот Preface, освен тоа што ќе користи 2.0 мотор развиен во соработка со Volvo, а претпоставувам дека ќе го користи DCT менувач, можеби со некое мало појачување. Geely Preface ќе се придружи на остатокот од TCR тркачи како Seat Leon, Golf GTI, Audi RS3 и Honda Civic Type R во 2026 година.