Fiat се придружува на забавата со мали теренци - ова е Grande Panda 4x4 Concept

Овој пресврт на настани многу ми се допаѓа. Изгледа се враќа трајно малиот теренец. Мислам, океј, Suzuki Ignis е долго време во Европа, но се чини дека европските брендови сакаат да се придружат на журката. Пред неколку дена го видовме Renault 4 Safrane, а тој веќе има потенцијален конкурент.

Ова е Fiat Grande Panda 4x4 Concept

Fiat

Па каде без Panda 4x4? Искрено, ова не го очекував. Мислев дека претходната генерација на Panda, сега позната како Pandina, ќе биде одговорот за тие купувачи на кои им треба многу мал автомобил кој е многу способен за возење по терени. Многу ми е драго што бев грешка.

Засега, Grande Panda 4x4 е само концепт, или како што викаат од Fiat, манифест за сериски модел. Класичните дизајнерски елементи од Panda 4x4 се сѐуште тука, а тоа ги вклучува дополнителните светла, ретро графиката од страна, челичните фелни кои се обвиени со A/T гуми, а во овој случај имаме и доста аксесоари на кровните носачи.

Fiat

Соопштението од Fiat не кажува баш јасно дали ова ќе биде хибрид или електричен модел кога ќе пристигне на пазарот. Сепак, со оглед на тоа дека моделов дебитираше на Panda Hybrid Media Drive настанот, и тоа дека се спомнува електрифицирана задна оска, а не електричен погон, најверојатно се работи за хибрид изведба. Тоа има смисла, и Jeep Avenger 4xe кој е базиран на истата платформа е хибрид, а истото важи и за Alfa Romeo Junior.

Освен овие информации и овие две (да, само две) фотографии, нема ништо друго конкретно за Grande Panda 4x4. Јас имам нешто конкретно да кажам: моделов мора под итно да оди во сериско производство. Под итно.

Додека чекаме Fiat да одлучи, може малку да ја ставиме оригиналната Fiat Panda во фокус, нели?