Ford ќе развива ЕВ за Европа заедно со… Renault?

Знам, и мене ми звучеше малку неверно, и апсолутно дојде од ведро небо оваа најава. Ајде малку да простудираме за што точно станува збор.

Ford ќе ја позајми платформата на Renault 5 E-Tech за две мали ЕВ 

Korrmotive

Во потег што мислам дека повеќето луѓе ќе ги изненади, колегите од Autocar пренесуваат дека Ford склопува партнерство со Renault кое вклучува пристап до AmpR Small платформата на францускиот производител, со цел Ford да развие два мали електрични автомобили за европскиот пазар кои би требало да се појават до 2028 година. Со други зборови, заменик за Fiesta и мал електричен кросовер кој веројатно ќе биде замената за Puma Gen-E (иако таа се појави пред многу кратко време).

Nissan

AmpR Small платформата моментално ја користат трите мали електрични возила на Renault, односно Renault 5, 4, Twingo, како и Nissan Micra. 

Оваа вест е изненадувачка прво заради, да бидеме реални, статистичките мали шанси овие два производители да ги спојат силите. Исто така е многу изненадувачко, барем според мене, бидејќи Ford за прв пат се наоѓа во обратна ситуација. Досега некои производители одеа кај Ford за платформите на нивните комерцијални возила, а нема информација дали Renault ќе добие нешто од ова партнерство, особено бидејќи на Renault не му треба помош за комерцијални возила.

Renault

Од Ford афирмираат дека и покрај заедничките делпови, двата модели со синиот овал ќе си бидат вистниски Ford модели, со соодветно возачко искуство, дизајн и останати карактеристики. Сепак, батеријата и моторите ќе бидат исти, што воедно и значи користење на батерија со литиум-железо-фосфат хемија (LFP), моментално меѓу најстабилните хемии за батерија на ЕВ, и далеку поефективна во однос на цена.

Ford

Други информации не се познати од времето на објавување. Интересна комбинација, ако ме прашувате мене, и мислам дека многу ќе им помогне на Ford во враќањето на добрата позиција што ја имаше на европскиот пазар. Моментално понудата на ЕВ на Ford не проаѓа кај потенцијалните клиенти, и моментално во понудата нема нешто што не е SUV или моноволумен, откако Focus отиде во историјата минатиот месец. Дали е потегов добар? Останува да видиме, но јас мислам да.